قصه محزنه ومضحكه وفيها شي من العجايب

السلام عليكم ورحمة الله وبركاتة
اخواني وخواتي اليوم بقولكم قصه عجيبه ذكرها لنا احد الاخوان وهو الشيخ نايف بن عواد بن رشدان السميري الجهني
شيخ قبيلة السمره من قبيلة جهينه
كنت في مجلس احد اخوانه وهو حاتم بن عواد وقال لي قصه عجيبه ومحزنه ومبكيه ومضحكه في نفس الوقت
القصه طويله لكن بقولها لكم بإختصار
يقولك كان فيه رجل من اهل القصيم رجل فيه خير ورجل محب للخير ورجال ثري
يقول الرجال هذا كان يجيه رجل في الحلم يافلان بن فلان تريد ان تدخل الجنه قال نعم
قال اعمل عمل فلان بن فلان بن فلان
وتكرر عليه الحلم اكثر من مره وراح وسأل عن هذا الرجال قالو له الرجال هذا الي اسمه كذا من اهل مكه
وذهب لمكه وستاجر له فندق واخذ له سواق لموزين معاه قال اعطيك عن كل شهر 10 الاف ريال وابيك تكون قريب مني واي مشوار ابيه توصلني له فوافق سواق الموزين
وكل يوم يدور القصيمي عن هذا الرجل
وبعد 4 شهور من البحث دلوه ناس على الحاره الي يسكنها
واول مادخل الحاره حصل بقاله
سلم على الرجل صاحب البقاله قال ابي اسالك عن فلان بن فلان تعرفه قال ياخي انت رجل فيك خير وش تبي في هذا الرجل قال دلني عليه وبس هذا صديق لي من فتره قال يا ابويه روح فارق مابي اتكلم معاك مدامك من اصدقاء هذا الرجل
يقول كل ماقابلت رجال قب في وجهي ومشيت من الحاره ومن بكره
مشيت شوي في الحاره الا وحصل صاحب فوال سألته عنه
قال تعرف فلان بن فلان قال لاحول ولا قوة الا بالله غريب الادمي هذا توفي اليوم وش تبي فيه وانت رجال خير
وسال عنه قال وش كان يعمل هذا
قال الرجال هذا اعرفه من 22 سنه كل يوم يجي ياخذ من عندي 5 ريال فول و5 ريال تميز ورجل ماحد يكلمه حتى لو تسلم عليه يمكن يتهاوش معك
قال طيب الفول وتميز وين يوديه قال يوديه للبيت هذاك الي في راس الجبل قال طيب عطني 5 ريال فول و5 ريال تميز
يوم دق الباب الا وتفتح له عجوز كبيره في السن قالت ياولدي انت وينك اليوم تاخرت علي من 16 سنه والله ودي اشوفك واليوم ربي رزقني بشوفتك
وتمسك القصميي بيده ودخله داخل البيت قالت شفت البنات هذولي قال ايه قالت هذولي بنات ولدي 6 بنات وولدي متوفي والله ماكبر ولا طلع لحمهم الا على الفول والتميز الي تجيبه لي
قال ياخاله والله هذا ماهو انا الي يجيب لك الفول والتميز هذا رجال غيري وتوفي اليوم وعلمها بلقصه كامله
شوف الرجال هذا على شين اخلاقه وعلى الي يسويه من معاصي لاكنه يتصدق كل يوم بـ10 ريال
والصدقه تطفي غضب الرب